PASSI CITY – Nakahanda na ang rescue groups sa posible epekto sang Bagyo Tisoy sa Passi City.
Ini matapos nga nalakip ang component city sa mga lugar nga yara sa Storm Warning Signal No. 2.
Sa interview sang Bombo Radyo kay Passi City Mayor Stephen Palmares, iya ginpahayag nga naka-deploy na ang tanan nga rescue groups kag nakahanda naman ang tanan nga equipment nga pagagamiton.
Suno kay Palmares, 12 ka barangay ang flood prone kag 12 man ka barangay ang landslide prone rason nga ginapaaligmat ang mga pumuluyo.
Ginpahayag ni Palmares nga ang mga barangay nga nalakip sa flood kag landslide prone amo ang mga yara sa nabukid nga bahin kag malapit sa Jalaur dam.
Bangud sini, kanselado ang tanan nga klase sa Passi City.
