HONG KONG -Nagbalik na ang klase sa pila ka mga buluthuan sa Hong Kong apisar sa pagpamahog sang Coronavirus Disease 2019 (COVID-19).
Sa report ni Bombo International Correspondent Christy Pestaño direkta sa Hong Kong, iya ginpahayag nga sa bahin sang iya ginabantayan nga bata sang iya amo, duha na ka semana nga nag-umpisa ang ila klase kag ini mismo ang ginahimo face-to-face.
Apang suno kay Pestaño, tunga lang sa mga estudyante kada adlaw ang ginapa-report sa klase apang istrikto nga ginapatuman ang physical distancing kag pagsuksok sang facemask.
Pahayag niya, ginadumili-an ang pagdala sang snacks sang mga estudyante sa baylo tubig lang ang ginapahanugutan.
Ang iban nga mga eskwelahan sa Hong Kong ang mabukas na sa masunod nga semana.
Samtang ginabanta 80 ka tawo naman ang gindala sa facility quarantine bangud sa pag positibo sa COVID-19 sang mag-asawa nga naga-istar sa isa ka condominium unit malapit sa gina-tiniran ni Pestaño.
