ILOILO CITY – Suspendido ang klase sa tanan nga level sa mga pampubliko nga buluthuan sa siyudad sang Iloilo karon sa hapon.
Sa Executive Order 07 nga ginpaguwa ni Mayor Jose Espinosa III, mahul-an ang mga estudyante bangud nga siraduhon ang mga dalanon sa city proper area.
May kaangtanan ini sa Opening Salvo sang Dinagyang Festival 2018 karon sa hapon.
Libuton sang 10 ka mga tribu nga nagapasakop sa Ati tribe competition ang mga judging area.
Samtang, ginatugyan naman ni Espinosa sa tagdumalahan sang mga pribado nga buluthuan kun maga-untat ang mga ini sang klase.