Nagpanawagan si Senate Minority Leader Aquilino “Koko” Pimentel III sa kaangay nga mga senador nga himuon nga prayoridad ang impeachment trial batok kay Vice President Sara Duterte.
Suno kay Pimentel, dapat nga unahon ini ipaanggid sa kampanya sa eleksyon sa Mayo.
Pahayag sini, kabahin ini sang ila nga trabaho sa idalom sang Konstitusyon, gani nga dapat ipahigad ang pulitika, kag atubangon ang ila nga constitutional mandate.
“Nagsenador ka pa na kung ayaw mo palang mag-judge sa impeachment? Kasama na ‘yun sa job description mo nung umpisa pa lang. Pag-file mo ng certificate of candidacy, dapat alam mo na ‘yun,” kabahin sang pahayag sini sa Kapihan sa Senado forum, February 20. “Isantabi ang kampanya. I-priority ang impeachment. That’s part of the job description.”
Ang pahayag nga ini sang senador ang sa tunga sang panawagan sa senado nga mag-tipon na liwat bilang isa ka impeachment court bisan nga naka-session break subong, kag umpisahan ang trial matapos nga ginpasaka na sang Kamara ang Articles of Impeachment sa upper chamber sang nagligad pa nga Pebrero 5.
