ILOILO CITY – Ginpakigbahin sang komedyante nga si Alora Sasam ang iya confident pictures sa iya pag-promote sang body positivity sa social media.
Gin-post ni Alora sa iya Instagram account ang mga pictures niya kag proud ini apisar sa iya size, shape kag edad.
Suno sa iya, ang #BodyPositivity flex amo ang ma-bikini confidently kag mangin proud, ano man ang imo color, size, shape, scars ukon edad.
Nagpanawagan naman ini sa tanan nga kaangay niya, may bilbil sa atubang kag mangin sa likod.
Ginpasalamatan naman niya ang isa direk Lauren Dyogi sa opurtunidad nga ginhatag sa iya nga nangin kabahin siya sang body positivity summer campaign.
Gin-mention man sini ang iya su-od nga abyan nga si Joshua Garcia nga amo ang nagkuha sang iya litrato.
