Madamo na nga sahi ukon nagkalain-lain nga disenyo sang face mask ang ginabaligya bangud yara kita sa tunga sang pandemya.
Apang isa ka kompaniya didto sa Estados Unidos ang nagatanyag sang face mask nga magluwas nga protektado ka sa virus, mabusog kapa bangud masimhutan mo man lang ang pinakapaborito nga breakfast… ini amo ang bacon.
Ang bacon-scented face mask ang ginatawag nga ‘Black Label Breathable Bacon’ nga may katuyuan nga makahatag sang eksperyensya sa mga tawo sa pagsimhot sang bacon sa bisan ano nga oras sa bisan diin nga lugar.
Apang basi bala nga malipatan mo nga face mask lang ang imo ginasimhutan kag indi matuod nga bacon.
Indi mo gid pagtilawan ini ukon kaunon bangud indi ini ang masami mo nga ginapamahaw.
