Personal ang pagpang-atake ni Presidente Rodrigo Duterte kay Bayan Muna Rep. Carlos Zarate sa iya public address subong nga gab-i, Nobyembre 30.
Ini ang kabahin sang iya pahayag nga matuod ang akusasyon sang Armed Forces of the Philippines nga legal front sang mga rebelde ang Makabayan Bloc sa House of Representatives.
Sa iya speech, ginpahayag sang presidente nga kabahin sang Communist Party of the Philippines kag sang armed wing sini nga New People’s Army (NPA) ang Makabayan, Bayan, kag ang Gabriela.
Wala na sang ideolohiya nga ginasunod ang mga rebelde suno kay Duterte bangud ang luyag lamang nila amo nga mawasak ang gobyerno.
Ginhangkat man niya si Communist Party of the Philippines (CPP) founder Jose Maria Sison nga magdebate sa iya.
“Communal war ito, there is no longer an ideology. Komunista ito, wala nang ideology…Gusto lang nila umagaw ng gobyerno. Mga bobo naman ang p*t*ng*n*. Sinong bright, si Sison? Iharap mo sa akin magdebate kami. Anong nakuha mo diyan sa ideology na communism?”
Suno sa presidente, alkalde pa lang siya sang Davao City, kilala na niya si Zarrate.
“Alam mo, sasabihin ko. Nangangailangan ka ng pera. That’s the only reason. Komunista ka to defend an oligarch. Di ka naman summa cum laude, pareho naman tayong pumasa ng Bar. Kung magsalita ka, you make it appear that we are milking the government. Alam mo sa totoo, Zarate, kapag nakita kita sa TV, para akong nakakita ng t** ng iro. Para akong nakakita ng t** ng aso, sa totoo lang.”
Ginahulat pa subong ang mangin sabat ni Zarrate kag sang mga miyembro sang Makabayan bloc sa lower House.
