Nagapabilin nga estable ang kondisyon ni Pope Francis sa pinakaulihi nga medical bulletin sini sa Rome’s Gemelli Hospital.
Sa interview sang Bombo Radyo kay Fr. Gregory Ramon Gaston, Rector of the Pontificio Collegio Filipino in Rome, iya ginpahayag nga tagsa ka Dominggo, may ginapatigayon nga misa para sa ikaayong-lawas sang Santo Papa.
Suno kay Fr. Gaston, conscious kag nagakaon si Pope Francis nga siya lang kag wala man ini ginahungitan.
Ginpahayag man sini nga ‘under control’ naman ang respiratory condition sang Santo Papa kasunod sang indi maayo nga gina-eksperyensya sini.
May mga Vatican Doctor man nga nagabisita agud magdu-aw sa Santo Papa.
Dako naman ang pagpasalamat ni Pope Francis sa mga Pinoy nga wala nagakatublag sa pagpangamuyo para sa iya kahimtangan.
Nagpanugyan man si Fr. Gaston sa publiko nga maglikaw sa pagpati sa mga fake news nga nagapatumod nga nagtaliwan na ang Santo Papa.
Nagpaandam man ang natungdan nga tsekyaron gid ang gina-share nga impormasyon sa social media.
