Pilason ang konduktor sang EDSA Bus Carousel matapos ginkagat sang makapila ka beses sang pasahero nga may mental disorder sa Guadalupe, Makati City.
Suno sa konduktor nga si Ricky De Guzman, naghalin sa Quezon City ang pasahero.
Pag-abot sa Guadalupe, nakit-an niya nga ginhanaan nga kagton sang pasahero ang isa ka bata nga pasahero gani iya ini ginpalapitan apang siya ang ginkagat sa butkon kag likod.
Gilayon naman nga ginpahibalo sang konduktor sa mga tinawo sang Coast Guard ang hitabo kag pa-abot sa bus stop, nagresponde ang mga ini apang madasig nga nagdalagan agud magpalagyo ang lalaki.
Nagpadulong naman si De Guzman sa ospital para magpatublok sang rabies vaccine.
Ginkumpirma naman sang pamilya sang lalaki nga siya man ang nag-viral sadto bangud sa pagpangagat sa sulod man sang bus.
