Nagdepensa naman ang G. Uy Construction nga amo ang kontrakor sang drainage system project sa JM Basa Street, City Proper nga nagadependi man ang ila timeline sa mga apektado nga ahensya sang gobyerno.
Sa interview sang Bombo Radyo kay Alvin Uy sang G. Uy Construction, iya ginpahayag nga tuman gid nga naapektohan ang ila nga timeline sa paghuman sang proyekto bangud sa pagpangita man sang pipelines ukon cable sang Department of Information and Communications Technology.
Suno kay Uy, amat-amat naman nga na-resolve ang problema kag makapadayon na sila sa paghuman sang proyekto.
Ginpahayag man sini nga nagkoordinar naman sila sa pila ka mga talatapan sang gobyerno agud nga mapadasig tapos ang drainage system sa JM Basa Street.
