Ginakaptan sang Committee on Infrastructure sang Sangguniang Panlalawigan (SP) ang pasalig kag promisa sang kontraktor sang provincial road sa Hibao-an, Pavia, Iloilo nga matapos ang dalan subong nga Septyembre.
Sa interview sang Bombo Radyo kay Iloilo 4th District Board Member Rolando Distura, chairman sang Committee on Infrastructure sa Provincial Board, iya ginpahayag nga masobra 60% na ang slippage ukon ang kapaslawan nga wala natapos sa ginhatag nga dealine.
Suno kay Distura, sang ila ginpamangkot kon ano ang rason sang kontraktor sang delay, ang ila ginsabat amo bangud sa pag-inulan-ulan.
Ginpahayag man sini nga ginrason man nila ang scope of work bangud ang ila gin-ubra amo ang pagpasad nga sa pagkamatuod, isa dapat ka reblocking.
Gintumod man sang natungdan nga ginlakip sa rason sang kontraktor amo ang driveway sang mga pamalay nga yara sa higad sang dalan.
Lakip man diri ang traffic kag ang mga water pipes sang water distributors.
Ginpahanumdom man ni Distura sa kontaktor nga seryosohon ang pagtrabaho sa proyekto bangud ang nabutang sa disbentaha amo ang gobyerno.
