ILOILO CITY – Gindepensa sang Liga ng mga Barangay sa Iloilo City ang plano nga pagdayon sang lakbay-aral sa Naga City.
Sa interview sang Bombo Radyo Iloilo, ginpahayag ni Liga President Reyland Hervias nga indi mandatory ang lakbay-aral kag ini ang gin-aprubahan man sang alkalde sang Iloilo City kag mismo sang Department of Interior and Local Government (DILG).
Suno pa kay Hervias, ang pagpadulong sang mga punong barangay sa Naga, ang may kaangtanan sa programa nga MASA-MASID (Mamamayan Ayaw sa Anomalya, Mamamayan Ayaw sa Iligal na Droga) Program, federalism, kag Disaster Risk Reduction Management sa mga kabarangayan nga dako nga bulig sa pagdumala sang mga barangay.
Nahibaluan nga ang magaupod sa amo nga trip ang magagasto sang tig-P28,650 para sa travel fare kag accomodation expenses.