Ginsaway na ni Iloilo City Mayor Jerry Treñas ang kontrobersyal nga pinuno sang compliance team sang Iloilo City Government kasunod sang paglapas sa health protocol matapos nagpaidalom sa swab test.
Una na nga nagviral ang Facebook post ni Fernando Jose ‘Boyet’ Rico, matapos sini ginpost ang mga tinaga nga ‘lunch after swabbing’.
Ang amo nga post ang kasunod sang pagpaidalom sa swab test sang mga empleyado sang Iloilo City Hall matapos nagsaka ang COVID-19 cases sa nasambit nga talatapan.
Sa interview sang Bombo Radyo kay Treñas, iya ginpahayag nga lantawon niya kun ano penalidad nga ihatag kay Rico.
Gin-ako man sang alkalde nga yara pa siya sa idalom sang ‘stress’ ukon kabalaka kasunod sang nagapadayon nga pagsaka sang COVID-19 cases sang syudad gani mas maayo nga hatagan anay niya sang ligwa ang kontrobersiya nga ginkaulamiran sang iya executive assistant nga si Rico.
Matandaan nga nagpangayo na sang pasaylo si Rico sa publiko matapos gin-ako ang iya kapaslawan sa pagsunod sa health protocol.
Nagpabutyag man siya sang pasalamat sa iya Facebook post sang damlag lang matapos nagnegatibo ang resulta sang iya swab test.
