ILOILO CITY – Nagpanawagan ang Philippine Army sang kooperasyon sang publiko agud nga mapabilin ang kalinong sang pungsod.
Ini ang kadungan sang ginpatigayon nga kick-off ceremony sang month long celebration sang ika-125 nga anibersaryo sang Philippine Army nga may tema “Kapayaan Para sa Lahat”.
Sa interview sang Bombo Radyo kay Major General Benedict Arevalo, commanding officer sang 3rd Infantry Battalion sang Philippine Army, iya ginpahayag nga sa nagakatabo subong sa kalibutan, kinahanglan ang kalinong.
Dugang pa ni Arevalo, ang kalinong ang indi gid lamang para sa katapo sang Philippine Army kag sang Philippine National Police (PNP) nga nagahalad sang ila kabuhi kundi para gid sa tanan.
Ang kick-off ceremony sang anibersaryo sang Philippine Army ang ginhiwat sa simple nga pamaagi gid lamang bangud sang nagapadayon nga COVID-19 pandemic.
May yara sang ginpatigayon nga mini-concert sa isa ka mall sa syudad sang Iloilo kun sa diin, ginlingaw sang banda sang 3rd Infantry Division kag sang Police Regional Office (PRO)- VI ang publiko.
Ang anibersaryo sang Philippine Army ang ginapatigayon sa tagsa ka Marso 22.
