ILOILO CITY – Sa labing una nga tion, nakuha sang South Korea ang Miss Earth title.
Sa ginpatigayon nga Miss Earth 2022 kagab-i sa Parañaque City, ginlutos ni Mina Sue Choi ang masobra sa 80 international candidates.
Si Mina ang isa ka Communications Student sa University of Illinois.
Siya ang ginbun-ag sa Sydney, Australia kag nag-eskwela sa public Korean schools.
Nakatinir ini sa Vancouver, Canada, sa United States of America, sa China kag nagbalik sa Korea.
Una ini nga nag-compete sa Miss Korea 2021 kag nangin first-runner-up.
Samtang, Miss Earth-Air naman ang pambato sang Australia; Miss Earth-Water ang Palestine kag Miss Earth-Fire ang Colombia.
Ang pambato naman sang Pilipinas nga si Jenny Ramp ang nagtapos sa Top 20.
Tuyo kuntani niya nga kuhaon ang ikalima nga korona para sa pungsod.
Lakip sa mga nagdaog na nga mga Pilipina amo sanday Karla Henry sang 2008, Jamie Herrell sang 2014, ang llongga nga si Angelia Ong sang 2015, kag Karen Ibasco sang 2017.
