Ginhatagan sang pagtamod sang Korte Suprema nga dapat klaro ang search warrant sa ginatumod nga lokasyon nga busision ukon sudlon.
Sa interview sang Bombo Radyo kay Atty. Rudiver Jungco Jr., Bombo Abogado, iya ginpahayag nga kon indi masunod ang nasambit nga tikang, mahimo madula ang bisa sang search warrant bangud sa paglapas sa kinamatarong sang isa ka tawo.
Suno kay Jungco, dapat man nakasaad ang ‘partikular’ nga lokasyon sa search warrant agud ma-execute sang maayo ang law enforcement.
Gin-athag man sini nga antes magsulod sa isa ka lugar nga may search warrant, kinahanglan anay nga mag-notify sa occupant.
Nahibaluan nga sa idalum sang Rule 126, Sections 7 kag 8 sang Rules of Court, nagakadapat anay nga magpakilala ang government agent kag magpangayo sang permiso agud makasulod sa lugar nga i-search.
Mahimo lamang nga magpamilit sulod kon indi maghatag sang pahanugot ang natungdan apisar nga naglisensya na.
