Ginplastar sang Korte Suprema ang kabug-usan sini nga desisyon nga ideklarar bilang “unconstitutional” ukon naglapas sa layi ang articles of impeachment batok kay Vice President Sara Duterte.
Nagakahulugan ini nga wala sang hurisdiksyon ang Senado sa impeachment proceedings.
Sa press conference ni Atty. Camille Sue Mae Ting, ang spokesperson sang Korte Suprema, ginbasa sini ang desisyon sang Supreme Court en banc nga ginsulat ni Senior Associate Justice Marvin Leonen.
Ginsiling nga ginlapas sang House impeachment complaint ang one-year bar rule sang Konstitusyon.
Gindugang man nga dapat nga naga-apply sang due process kag pagka-patas sa tanan nga stages sang impeachment process.
Unanimous ang nangin desisyon sang mga mahistrado.
13 ang nagboto-pabor sa pagdeklarar sini nga null and void lakip na ang nagaisahanon nga appointee ni President Ferdinand Marcos Jr. nga si Associate Justice Raul Villanueva kag si Senior Associate Justice Leonen nga appointee naman ni late President Benigno Aquino III.
Ang 12 sa iban nga mga mahistrado ang gin-appoint ni former President Rodrigo Duterte nga amay ni Sara.
Nag-abstain naman si Associate Justice Benjamin Caguioa samtang naka-leave si Associate Justice Maria Filomena Singh.
