𝗦𝗢𝗨𝗧𝗛 𝗞𝗢𝗥𝗘𝗔 — Ginkilala sang Korte Suprema sang South Korea ang bag-o nga kinamatarong para sa mga same-sex couple.
Nakasaad diri nga ang estado dapat maghatag sang seguro sa ikaayong lawas para sa kaupod sang isa ka ‘gay’ sa isa ka talalupangdon nga desisyon nga nagbilin naman sa mga aktibista sang kalipay.
Ang pinakamataas nga korte sang pungsod nagdesisyon nga “diskriminasyon” para sa mga state health insurers nga tratuhon ang mga mag-asawa nga pareho ang sekso sing tuhay sa ila mga heterosexual nga mga counterparts.
Nagasiling sa isa ka desisyon nga sang mga aktibista nga mahimo magbukas sang opurtunidad para sa ulihi nga pag-legalize sang mga same-sex unions sa South.
Ang desisyon, nga indi ma-apelar, nagakahulugan nga ang mga common-law nga mga asawa sang pareho nga sekso mahimo na karon magparehistro bilang mga dependent sa state health insurance sang ila mga kaupod — isa ka butang nga madugay na nga ginatugutan para sa mga heterosexual nga mga common-law.
Nahibaluan nga ang kaso ang gindala sang isa ka ‘gay couple’, nga amo sanday So Seong-wook kag Kim Yong-min, nga nagapuyo sing tingob kag naghiwat sang seremonya sa kasal sang 2019.
Wala ini sing legal nga balido, bangud ang South Korea ang wala nagakilala sang kasal sang pareho nga gender.
Sang 2021, ginkasuhan ni So ang National Health Insurance Service (NHIS) bangud gintapos sini ang mga benepisyo para sa iya kaupod — nga iya ginrehistro bilang isa ka dependent — pagkatapos nga matukiban nga sila isa ka same-sex couple.
Sa isa ka talalupangdon nga desisyon sang nagligad nga tuig, ang isa ka Seoul High Court nagpabor sa mag-asawa, nga nagamando nga sa National Health Insurance Service nga ibalik ang mga benepisyo sang mga dependent.
Apang gin-apelar sang health servie ang desisyon, nga nagdala sang kaso sa Korte Suprema.
Nagaguwa nga Korte Suprema nagdesisyon nga ini “diskriminasyon base sa sekswal nga oryentasyon nga indi pag-ilakip ang mag-asawa bangod lang sila pareho sing sekso ukon gender”.
Ang korte nagdesisyon nga ang serbisyo sa ikaayong lawas ang desisyon nga indi pagkilalahon ang mga pareho nga sekso nga nagporma sang isa ka ekonomiko nga komunidad sang kabuhi nga kaanggid sa isa ka mag-asawa bilang mga dependent nga nagalapas sa kinamatarong.
Samtang, ang abogado sang mag-asawa nga si Chang Suh-yeon nagsiling nga ang desisyon “nagahatag sang paglaum” sa mga same-sex couple sa South Korea, apang nagsiling nga kulang.
Ini ang nagtulod sa mga mamalidha sa Kamara nga bag-ohon ang pagduso para sa same-sex civil partnerships.
Para sa LGBTQI Community sang pungsod, isa ini ka dako nga butang kag importante nga desisyon sang Korte Suprema.
