Gin-grant sang RTC branch 2019 sa Mandaluyong City ang ginfile sang Panay Electric Company (PECO) nga petition for declaratory relief.
Ang petisyon nagahingyo sang preliminary injunction agud untaton ang expropriation sang More Electric and Power Corporation (More Power) sang distribution assets sang PECO kag pagpugong sa pag- isyu sang licenses kag permits para maka -operate ang More Power.
Sa interview sang Bombo Radyo Iloilo kay Mr. Marcelo Cacho, Admin Manager sang PECO, iya ginpahayag nga ang ginpapanaug nga desisyon sang korte nagasiling nga indi maka-partisipar ang More Power sa expropriation proceedings.
Suno kay Cacho, nasaad sa desisyon nga void kag unconstitutional ang Sections 10 kag 17 sang Republic Act 11212 nga naga-grant sang franchise sa More Power bilang power distributor sa Syudad sang Iloilo.
Ginpahayag sang natungdan, nagakahulugan ini nga magapabilin sa PECO ang mga assets sini.
Handa naman ang PECO suno kay Cacho nga depensahan ang kompaniya para sa ginalauman nga pag-apela sang More Power sa nasambit nga desisyon sa Court of Appeals.
Samtang,wala nalingkang ang More Electric and Power Corporation (More Power) sa ginpapanaog nga desisyon sang Mandaluyong RTC.
Sa interview sang Bombo Radyo Iloilo kay Atty. Hector Teodosio, legal counsel sang More Power, iya ginpahayag nga wala sang seryoso nga epekto sa ila ang nasambit nga desisyon sang korte.
Suno pa sa iya, indi pa pinal ang desisyon sang korte kag ila pa ini mahimo i-apelar sa Court of Appeals ukon sa Korte Suprema.
Ginpahayag naman ni Atty. Teodosio, kun may epekto gid man ini sa ila ginahingyo nga writ of possession nga ila gin-file batok sa PECO sa Iloilo Regional Trial Court Branch 37,ini ang minimal lang.
Sa subong suno kay Teodosio, ila na lang ginahulat ang desisyon sang Iloilo RTC sa application for writ of possession nga maga-authorize sa More Power nga i- expropriate ang distribution assets sang PECO nga suno pa sa iya, malayo nga matabo nga indi madayon ang ila pag-expropriate sa assets sang PECO.
