Bisan pa may anum ka autoimmune diseases, nagbalik sa trabaho ang ginakilala Queen of All Media nga si Kris Aquino.
Suno ini sa writer-editor kag iya suod nga abyan nga si Dindo-Balares. Apang dugang sini, maluya pa gihapon si Kris, gani ang isa ka adlaw nga trabaho ang katumbas man sang tatlo ka adlaw nga bed rest.
“She’s back working! ‘Yan ang latest kay Kris Aquino. Sinubukan niya the other day,” suno kay Balares. “But we all realized ‘1 day of work means 3 days of bed rest.”
Wala na ini nagdugang sang detalye sa kahimtangan sang aktres kag sa upcoming project sini. “Baka masabihan na naman ako ng, ‘Kung minsan daldal ka rin, Kuya Dindo,'” lahog sini.
Una na nga ginsapubliko ni Kris nga may palaabuton siya nga show kun sa diin makit-an sang viewers ang iya reality, amo man si Bimb, ang iya best friends nga ginakabig niya nga extended family, kag iya mga doctor nga nangin mga abyan naman subong.
Nagselebrar si Kris sang iya ika-54 nga kaadlawan sang Valentine’s Day. Kaupod sini sa special day ang iya nga mga anak nga sanday Josh kag Bimb, kag kaupod man ang iya celebrity friends.
“I want to thank all my friends for taking [the] time to greet me last night and my friends from OC, who flew in,” post sini sa Instagram. “But above all – I thank you for being with me, Kuya Josh, and Bimb during my journey towards recovery.”
September 2024 sang nagpauli si Kris sa Pilipinas matapos duha ka tuig man nga nagtinir sa United States para nga mapabulong ang iya multiple autoimmune conditions. Ginsapubliko sini nga tatlo sa sini nga kondisyon ang makabig nga life-threatening: Churg-Strauss syndrome, systemic sclerosis, kag lupus.
