Ginkumpirma ni Kris Aquino nga nagbulagay na sila ni Batangas Vice-Governor Mark Leviste.
Ginsugid sang host-actress nga papauli na si Leviste sa Pilipinas agud tungdan ang iya nga obligasyon sa mga pumuluyo sang Batangas.
Pahayag pa ni Kris, nagapati siya nga imposible pa nga ma-maintain nila nga duha ang long-distance relationship bangud sa kondisyon sang iya nga ikaayong lawas.
Bisan wala sila sang ‘happily ever after’, ginsiling ni Kris nga mapinasalamaton siya nga na-eskperyensyahan niya liwat ang “magic of once upon a time”.
Lunsay man pagdayaw ang unod sang iya mensahe para sa ex-boyfriend nga iya man gintawag nga best friend kag confidante.
Ginpakigbahin man sang 52-anyos nga aktres nga naglala pa ang iya nga kondisyon subong bangud nagapalamanog ang iya nga wala kag tuo nga tuhod; tuman ka sakit ang iya bilog nga wala nga tiil; nahanog ang idalom nga parte sang iya nga likod; kag halos purplish blue na ang duag sang iya kuko sa tiil.
Apisar sini, ginsiling ni Kris nga ginatinguhaan niya gihapon nga mabuhi, kag tuman ang iya pasalamat bangud may mga anak siya nga amo sanday Josh kag Bimby.
Nagapabilin subong si Kris sa Estados Unidos sang Amerika para sa treatment sang iya nga kondisyon.
