ILOILO CITY – Apisar nga nagapakigbato man sa multiple autoimmune diseases, nag-offer sang bulig si Kris Aquino sa actress nga si Miles Ocampo.
Suno sa Queen of All Media, mahimo nga magpakig-angut si Miles sa iya sa Estados Unidos sa tion nga may kinahanglan ini para sa iya thyroid problem.
Ini ang kasunod sang revelation ni Miles nga may yara ini sang papillary thyroid carcinoma.
Una nga ginpahayag ni Miles nga nakapa-idalom na siya sa surgery apang liwat pa nga magapaidalom sa isa ka medical procedure.
Samtang, si Kris naman nga yara sa Estados Unidos para sa iya treatment, ang naghatag sang update sa iya ikaayong lawas kag gin-reveal man nga finally, nakakita na sang treatment ang iya mga doctors para sa iya condition.
Si Kris kag si Miles ang nangin close sang nag-updanay nga magtrabaho sang 2013 upod sanday Anne Curtis kag Senator Robin Padilla.
