Nagahanda na subong ang Queen of All Media nga si Kris Aquino para sa isa sa pinakamabudlay sini nga journey sa iya nagapadayon nga pagpabulong sa iya autoimmune disease.
Ginpakigbahin sini sa iya social media ang ini nga balita pila ka adlaw matapos ang iya ika-55 nga kaadlawan.
Suno kay Kris, apisar nga indi sini mahambal pa ang matuod sini nga sitwasyon sa iya ikaayong lawas apang kinahanglan sini nga mangin maisog.
Gina-look forward man sini nga maka-abot sa 68 anyos ang iya edad nga suno pa sa iya isa sa pinakamanami nga kagustuhan niya sa iya kabuhi.
Ginpakigbahin man sini nga maga-host ini sa isa ka home-tour sa masunod nga mga inadlaw.
Nahibaluan nga madugay na nga nagapakigbato si Kris sa pila ka mga autoimmune disease, apang permi man ini nagalaom sa iya pag-ayo.
Sa karon nagapabilin ang aktres-host sa ospital sa sulod na sang anom ka semana bangud sa iya operasyon.
Nagapasalamat man ini sa anay sini nobyo nga si Dr. Mike Padlan sa pagbulig sa iya journey sa pagpa-ayo sa kaangay sini nga sakit.
