Nagpaidalom si Kris Aquino sa surgical procedures nga kabahin sang mas agresibo nga phase sang medical treatment sa iya autoimmune diseases.
Suno sa Queen of All Media, nag-umpisa sang procedures sang Agusto 20 kag sang ulihi ginsaylo siya sa cardiac operating room para sa pagbutang sang port-a-cath ukon ang gamay nga device nga gina-implant para nga mas mahapos ang access sa veins sang pasyente.
Sa Instagram, ginpakigbahin ni Kris nga nadumduman sini ang iya iloy nga ginbutangan man anay sang port-a-cath, apang wala gid nagreklamo suno sa iya bisan nga wala ini gani sang pain management doctor.
“While writing this, happy tears are flowing because I’m remembering how much our mom endured for us, she also had a port-a-cath surgically inplanted, yet we never heard her complain, and she didn’t have a pain management doctor,” pahayag sini.
Para kay Kris, sanday Bimby kag Josh ang rason kun ngaa padayon siya nga nagabato sa iya nga kondisyon: “If I wasn’t their mama, matagal na po akong sumuko.”
Nahangpan man sini nga pamuno pa lang ini sang mas aggressive treatment para nga mabuhi siya. Una na nga naghatag ang mga doctor sang anum ka bulan agud nga mag-isolate ang aktres kag agud maghimo sang optimal treatment plan.
“I have a new hashtag to remind myself how much I owe all of you who continue praying for me. Thank you for your patience, support, and much appreciated LOVE. #labankris,” post pa sini sa Instagram.
Sang Abril matandaan nga ginpahayag sini nga may siyam na siya ka ginasuprer nga autoimmune diseases, kag nagpaidalom man sa medical procedure sang amo nga bulan.#
