Nag-atras ang Filipina beauty queen nga si Krishnah Gravidez sa Miss Charm International competition.
Wala sang gintumod nga rason si Gravidez sa iya pag-withdraw sa kumpetisyon apang ginsiling sini nga ginpadalman niya ang amo nga desisyon.
“To the pageant fans, Team Strawberries, my Vietnamese supporters, and my core team, who watched my journey and waited, I thank you for holding on. After much consideration and reflection, I regret to inform you that I have decided to withdraw from the Miss Charm International competition,” kabahin sang statement.
Ginpasalamatan sini ang tanan nga nangin kabahin sang iya journey lakip na ang giya sang Miss Universe Philippines kag Miss Charm Philippines.
“Thank you once again for the incredible journey with Miss Universe Philippines and Miss Charm Philippines. I will always cherish the memories and lessons learned during my time of reign,” dugang ni Gravidez.
Nahibaluan nga wala pa sang kasiguraduhan kun san-o hiwaton ang Miss Charm 2024 apisar nga masobra isa ka tuig na nga nakoronahan si Gravidez.
Ginrepresentar sini anay ang Baguio City sa Miss Universe Philippines 2023 kag nakuha ang titulo sang nagtapos sa Top 3 sang Mayo sang nagligad nga tuig. Nagbulos siya kay Annabelle McDonnell nga amo ang first runner-up sa global tilt sang Pebrero 2023.
Apang ini nga titulo ang na-turn over na ni Gravidez sa Top 10 finisher nga si Cyrille Payumo sang nagligad lamang nga bulan sang ginpatigayon ang Miss Universe 2024.
Wala pa sang official statement ang Miss Universe Philippines Organization, Empire Philippines, The Miss Philippines, kag Miss Charm pageant kaangot sa desisyon sang Pinay nga mag-isol sa international pageant.
