Ginpakigbahin sang singer kag content creator nga si Kristel Fulgar nga nagpaidalom ini sa surgery bangud sa tumor sa iya nga paa.
Daku ang epekto sang diagnosis sa iya nga emotional health suno kay Kristel kag amo man ini ang nagtulod sa iya nga dayunon ang operasyon.
“I have never imagined that I would be undergoing a biopsy test in my 20s. I can say that this is one of the scariest things I’ve done,” pahayag sini sa video nga ginpaguwa Marso 22. “It was the hardest challenge I faced in my life. It really affected my mental health and triggered my anxiety. There were a lot of ‘what ifs’ and I cried every night to sleep.”
Agusto 2022 sang nadiskubrehan sini ang bukol sa paa nga pagkatapos sang medical tests, nadiskubrehan nga schwannoma — isa ka pinasahi nga sahi sang tumor — nga nagaporma sa nervous system.
Apisar nga benign ini nga tumor, may mga kaso sini nga nagahimo nga cancerous.
Enero 2024 sang gindayon ang surgery sa South Korea kun sa diin kaupod sini ang iya Korean suitor nga si Sun Hyuk. Pagkatapos, nagbalik si Kristel sa Pilipinas kag ang iloy naman sini ang nagtatap sa iya samtang padayon ini nga naga-recover.
