Feeling ‘blessed’ ang aktres nga si Kristine Hermosa bangud sa iya edad nga 40, ginapaabot pa sini ang baby number 6 nila sang iya bana nga si Oyo Sotto!
Suno kay Kristine, wala man siya naghaum nga amo kadamo nga kabataan ang ihatag sa iya, apang ang manami diri, daw kaangay nga first time gihapon ang mabatyagan sini!
“To be honest, I was hopeful but never really expected He would bless us with children.. like.. lots of them and another one on the way..,” kabahin sang pahayag sang celebrity mom.
11 ka tuig na nga mag-asawahay sanday Kristine kag Oyo.
Ginkasal sila sang Enero 2011 sa Talisay, Batangas nga isa man sa ginakabig sang fans nga pinakamatahum nga celebrity weddings sang amo nga tuig.
Antes ang Baby Number 6, may kabataan ang duha nga sanday Ondrea Bliss, Kristian Daniel, Kaleb Hanns, Marvic Valentin, kag Vittorio Isaac.#
