Isa ka tumalagsahon nga palangitan-an subong sang mga tawo sa China amo ang pagbaligya nila sang ila kuko nga ginapatihan nga importante nga lakot ini sa traditional Chinese medicine!
Kilala sa tawag nga βjin tuiβ, ang mga ginpang-utod nga kuko sang tawo ang ginapatihan nga epektibo sa pagkakas sang toxicity sa lawas kag pagkuyom sang mga pilas.
Suno sa sinang-una nga teksto nga medikal nga Qianjin Yaofanf nga ginsulat ni Sun Simiao (581-682), ginagamit ang mga ginpulbos nga kuko kag ginapahid sa dughan sang nagapa-dede nga iloy agud bulungon ang sakit sa tiyan sang lapsag.
Ang mga kumpanya nga nagahimo sang tradisyonal nga bulong ang nagabakal sang mga gin-utod nga kuko.
Ila ini ginahugasan kag pamalahon agud mangin pino nga pulbos kag ginasimpon sa mga produkto nga bulong.
Gin-athag naman sang mga kompaniya nga ginabusisi man nila ang mga kuko kag wala ginabaton ang halin sa tiil.
