ILOILO CITY – Magasentro sa kultura kag adbokasiya ang mangin performance sang mga tribu nga magapakigbahin sa Opening Salvo sang Dinagyang Festival 2020.
Sa interview sang Bombo Radyo kay Eric Divinagracia, chairman sang tribes and artistic committee, iya ginpahayag nga magapasundayag sa Enero 10, ang mga tribu nga magapakigbahin sa Dagyang sa Calle Real lakip man amg competing tribes sa Dinagyang 360 degrees.
Suno kay Divinagracia, bisan wala nalakip sa criteria ang performance sa Opening Salvo apang kasubong nga mabatyagan na ang highlight sang Dinagyang Festival.
Ginpahayag ni Divinagracia nga magasentro sa endemic kag endangered species sa Western Visayas ang tema sang Opening Salvo sa diin magluwas sa kalingawan, ipakita ang kultura sang mga taga Panay.
Ang mga tribu nga magapakigbahin sa Dagyang sa Calle Real ang magapasundayag sa Calle Real tubtub sa Solis St. samtang magapasundayag naman sa apat ka judging area ang mga tribu nga magapakigbahin sa Dinagyang 360 degrees.
Magluwas sa performance sang mga tribu, may parada man ang mga maanyag nga kandidata sa Miss Iloilo 2020.
Ang Opening Salvo ang maga-umpisa, 3:00 sa hapon sang Enero 10, Biyernes.
