Hugot nga ginakondenar sang General Alliance of Workers Association ang pila ka mga aktwasyon sang China batok sa Pilipinas, ilabi na ang ang ginbuy-an nga tinaga ni Chinese ambassador Jing Quan nga wala sang bato ang pungsod sa ila nga pwersa.
Sa interview sang Bombo Radyo kay Wennie Sancho, Secretary General sang nasambit nga asosasyon, iya ginpahayag nga dapat na gid nga ideklara ang Chinese envoy nga persona non grata bangud sa mga pahayag sini bilang isa ka foreign national diri sa pungsod.
Suno kay Sancho, dapat nga “magbehave” si Quan kag indi mangin arogante kaangay sang ginapakita sini subong.
Ini bangud daw kaangay nga luyag pa kuno sini nga tudluan ang mga Pilipino sa kinamatarong sang pungsod sa West Philippine Sea.
Dugang pa niya, bisan ano pa ka drawing sang China nga sakop nila ang nasambit nga kadagatan, indi sini mapahog ang mga Pilipino kag indi man matago ang kamatuoran nga sakop gid sang Pilipinas ang West Philippine Sea.
