Nagpamahog si Presidente Rodrigo Duterte nga arestuhon ang mga indibidwal nga nagapamalibad nga magpabakuna batok sa COVID-19.
Suno kay Duterte, krisis ukon national emergency ang ginapangatubang sang Pilipinas subong, kag kun indi pa gid luyag sang isa ka tawo nga magpabakuna, ipa-aresto niya ini kag itublok ang bakuna sa alatrasan sang arestado.
“Don’t get me wrong, there is a crisis being faced in this country, there is a national emergency. Kung ayaw mong magpabakuna ipaaresto kita, at ang bakuna itusok ko sa pwet mo,” pahayag sang presidente.
Ginpaandaman man sini ang mga tawo nga kun indi nila luyag magpabakuna, maghalin na lang sa Pilipinas kag magpadulong sa India kag America.
Dugang pa gid sang presidente para sa mga nagapamalibad magpabakuna apang potensyal nga makadala sang virus, Ivermectin na lang ang gamiton bisan para ini sa baboy.
“Don’t force my hand into it. Kung hindi kayo magpabakuna, umalis kayo sa Pilipinas. Go to India or to America. But as long as you are here and you are a human being who can carry the virus, magpabakuna ka. ‘Pag hindi, ‘yung ivermectin na para sa baboy ang patira ko sa’yo,” dugang pa ni Duterte.
Ginpahayag sang presidente nga tuman na gid ang iya nga kainit sa mga report nga may mga tawo nga hungod nga nagapabungol-bungol sa panawagan sang gobyerno nga i-avail ang COVID-19 vaccines.
