Indi kinahanglan ni Presidente Rodrigo Duterte nga i-sekreto ang iya mga travels abroad kasunod sang mga impormasyon nga nagalagaw nga nagpadulong ini sa Singapore.
Sa public briefing sang Presidente, iya ginpahayag nga kun maglakat man siya sa guwa sang pungsod, indi niya paggamiton ang pondo sang gobyerno.
Nagpanawagan man si Duterte sa publiko nga untatan na ang pagpalapta sang impormasyon nga nag pa Singapore ini bangud wala ang mga ini sang labot kun sa diin man niya luyag magkadto.
Nag-ugat ang mga huring-huring nga nag pa Singapore ang Presidente matapos nga ginpahayag ni Presidential Spokesperson Atty. Harry Roque nga si Duterte ang naka “perpetual isolation”.
Agud nga madula ang mga impormasyon nga nagalagaw, nag post si Senator Christopher Bong Go sang picture nanday Presidente Duterte kaupod ang iya common-law wife nga si Honeylet Avaceña kag anak nga si Kitty.
