Pangunahan sang Tokyo Olympian nga si Kurt Barbosa ang lima ka iban pa nga Filipino jins nga magatinguna nga mag-qualify sa Paris Olympics kag Paralympics paagi sa pagsaka sa Asia Qualification Tournament sa Marso 15-17 sa China.
Kapod ni Barbosa ang anay Southeast Games champion nga si Arven Alcantara, World Cadet bronze winner kag ASEAN gold medalist Tachiana Mangin,kag si Cambodia Southeast Asian Games bronze winner Baby Jessica Canabal.
Kaupod man sa delegasyon sang Pilipinas ang Tokyo Paralympic qualifier nga si Allain Ganapin.
Daku ang ginalauman kay Barbosa sa sini nga tournament matapos nga napaslawan ini sa Olympics sa Japan sang 2021 kag sa Asian Games sa Hangzhou, China sang nagligad lamang nga tuig.
Nahibaluan nga sa amo nga qualifiers, magaatubangay ang traditional powerhouses kaangay sang Iran, Japan, Taipei, Vietnam, Saudi Arabia, Qatar, kag Thailand nga amo ang magaagaway sang ticket padulong sa Summer Games.
