ILOILO CITY – Apat ka sachet sang suspected shabu ang nakuha sa isa ka kusinero nga nadakpan sa buy bust operation sa Brgy. Lopez Jaena Norte, La Paz, Iloilo City.
Sa interview sang Bombo Radyo kay Police Major Edfel Balibadlan, hepe sang La Paz Police Station, iya ginpahayag nga ang nadakpan amo si Roberto Doromal Mayormente, 30 anyos sang Zone 1, Bo. Obrero sa distrito sang Lapuz.
Suno kay Balibadlan, si Mayormente ang anay drug surrenderee kag nagatrabaho bilang kusinero sa Brgy. Ortiz sa City Proper.
Ginpahayag ni Balibadlan nga magluwas sa apat ka sachet sang suspected shabu lakip na diri ang buy bust item, nakuha man kay Balibadlan ang P1,100 nga buy bust money kag dugang pa gid nga P1,000.
Si Mayormente ang magapangatubang sang kaso may kaangtanan sa paglapas sa Republic Act 9165 ukon Comprehensive Dangerous Drugs Act of 2002 bangud sa pagbaligya sang illegal drugs.
