ILOILO CITY – Ginhingyo na sang gobyerno sang Kuwait sa Interpol sa Syria kag Lebanon nga ibalik sa Kuwait ang mag-asawa nga Nader Essam Assaf kag Mona Hassoun, ang amo sag Ilongga OFW nga si Joanna Daniela Demafelis sang Barangay Ferraris, Sara, Iloilo.
Ang mag-asawa ang ginatudlo nga nagpatay kay Demafelis kag ginsulod sa freezer.
Sa interview sang Bombo Radyo, ginpahayag ni Department of Labor and Employment (DOLE) Secretary Silvestre Bello III nga pormal na nga nag-request ang Kuwait nga mabalik sa nasambit nga pungsod ang mag-asawa agud ipaidalom sa trial.
Ini matapos nga nadakpan sang Interpol sanday Assaf kag Hassoun sa Damascus, Syria.
Apang gin-surrender sang Syria sa mga otoridad sa Lebanon si Assaf bangud isa ini ka Lebanese, samtang nagapabilin naman sa kustodiya sang otoridad sa Syria si Hassoun.