ILOILO CITY – Nagakabalaka ang Overseas Workers Welfare Administration (OWWA) sa mangin epekto sang temporaryo nga pagsuspinde sang Department of Labor and Employment (DOLE) sa pagpadala sang mga OFW sa Kuwait.
Ginpahayag ni OWWA Region 6 welfare officer Jack Arroyo nga dako ang posibilidad nga mag-agi ang mga OFW sa Saudi Arabia antes dal-on sa Kuwait.
Nahibaluan nga magkaiping lang ang duha ka pungsod kag mahimo tabukon paagi sa land travel.
Kun magdugay ang ban, mahimo nga maapektuhan suno kay Arroyo ang mga recruitment agencies.
Dapat man preparahan suno kay Arroyo sa ti-on nga magprotesta ang Kuwait batok sa desisyon sang DOLE.
Una na ginpauntat sang DOLE ang pagpadala sang mga OFW sa Kuwait kasunod sang kamatayon sang pito ka mga Pinoy house maids nga sanday Liezl Truz Hukdong, Vanessa Karissha L. Esguerra, Marie Fe Saliling Librada, Arlene Castillo Manzano, Devine Riche Encarnacion, Patrick Sunga kag Mira Luna Juntilla.