Ginpakigbahin sang Queen of R&B nga si Kyla ang masakit nga balita nga nahulugan na naman ini sa ikalima na nga tion.
Natabo ini sang Disyembre — antes gid ang Paskuwa.
Suno sa R&B singer, siya kag ang iya bana nga isa ka basketball coach nga si Rich Alvarez ang nabudlayan na halin pa sang nagliligad nga mga tinuig agud lamang nga makaangkon sang anak.
“We’ve been struggling for years and years and years. It’s been really hard, especially very recent lang ‘yung sa amin eh. Just before Christmas actually I suffered another one (miscarriage),” pahayag sang Filipina singer.
Una nga nakaangkon sang bata sanday Kyla kag Rich sang 2013. Ginhingadlan nila ini kay Toby.
Sang 2018, duha ka beses ini nga nahulugan; nasulit pa gid sang 2021; kag amo man gihapon ang natabo sang 2022.
Apisar sini nga masakit nga inagyan bilang iloy, ginsiling ni Kayla nga nagapasalamat gihapon siya bangud nahatagan sila sang isa ka bata.
“At least nabigyan kami ng isa and kung madadagdagan pa, bonus na lang ‘yun,” suno sa iya.
Tuman man ang pagpasalamat sang singer sa iya bana nga tuman man ang pagpalangga sa iya bisan pa sa sini nga mga hitabo.
“I don’t think anyone would love me like the way he loves me or ever will love me.”
Matandaan nga nagpakasal ang duha sang 2011 matapos ang pito ka tuig nga relasyon.
