Ginkumpirma ni Kylie Padilla nga may bag-o na ini nga karelasyon halos tatlo ka tuig makaligad ang kontrobersyal sini nga separasyon sa iya anay bana nga si Aljur Abrenica.
Wala pa sang madamo nga detalye nga ginhatag ang aktres apang ginsiling sini nga “taken” siya sang ginpamangkot siya kun siya bala “single” ukon “ready to mingle.”
Apang suno sa aktres, indi halin sa show business ang bag-o sini nga boyfriend.
Matandaan nga nangin on-and-off ang relasyon nanday Kylie kag Aljur halin sang 2011 antes nagpakasal sang 2018.
Nakaangkon sila sang duha ka anak nga lunsay lalaki apang nagbulagay sang 2021.
Wala sang direkta nga kumpirmasyon nga si AJ Raval ang third party sa ila pag-updanay, apang sang Pebrero 2023, gin-ako na nanday AJ kag Aljur ang ila relasyon.
Kilala naman sa si Kylie sa mga pelikula kag teleserye nga Dilim, Unravel, Encantadia, The Good Daughter, Adarna, kag Black Rider.
