Napilian gihapon ang actress kag singer nga si Kyline Alcantara bilang honorary ambassador para sa Korean tourism sa Pilipinas sa sulod sang isa pa ka tuig.
Ini na ang ikatatlo nga tuig nga gin-tap ang 21-anyos nga aktres para sa amo nga papel kun sa diin ang bag-o sini nga termino para sa ambassadorship ang magalawig tubtub sa Marso 23, 2025.
Ang reappointment sa iya ang gindungan sa 75th year sang diplomatic relations sa tunga sang South Korea kag Pilipinas kag promotion man sang Visit Korea Year 2024.
Bilang honorary ambassador, siya ang mangin celebrity representative para sa tourism promotional campaigns, programs, kag events sang Korea Tourism Organization diri sa Pilipinas.
Lakip man sa iya nga katungdanan ang pagbisita sa Korea kag pagpakigbahin sang nga iya eksperyensya sa iya nga social media accounts agud nga ma-promote ang amo nga pungsod.
Yara man ang iya nga presensya sa dalagku nga kampanya kag aktibidad sang organisasyon kaangay sang familiarization tours, travel seminars, kag travel fairs.
Antes kay Alcantara, ang iban pa mga aktres nga napilian bilang honorary ambassadors para sa Korea Tourism amo sanday Jessy Mendiola (2013-2016) kag Sue Ramirez (2016-2019).
