World class na ang Iloilo’s best-known signature dish nga La Paz Batchoy.
Ang Batchoy ang isa ka noodle soup sa diin ang ingredients sini amo ang miki, kasudlan sang baboy,kasudlan, itlog, karne sang baka, ahos, chicharon kag kaldo.
Suno kay Bombo International Correspondent Rosemarie Soldevilla sang Nabitasan, Leganes, Iloilo, iya ginpahayag nga una siya nga nagpadulong sa Spain kag sang nag-apas ang iya bana, nadesisyunan nila nga magpatukod sang restaurant nga Cass Gusto.
Suno kay Soldevilla, wala sang nagabaligya sang Batchoy sa Madrid rason nga naisipan nila nga ipakilala ini sa Spain.
Nagabutang man sila sang puto bilang pares sang Batchoy.
Lunsay man mga tumandok sang Iloilo ang ila mga empleyado kag mangin ang ila mga kabataan ang nagabulig man bilang waiter.
Nahibaluan nga magluwas sa Batchoy, lakip man sa mga pagkaon nga ila ginabaligya amo ang Dinuguan, Pancit, Lumpia, kag Barbecue.
