ILOILO CITY – May natumod na nga person of interest ang La Paz Police Station may kaangtanan sa pagpatay sa isa ka lalaki nga nasapwan kag natabunan sang hilamon sa talamnan sa Brgy. Banuyao, La Paz, Iloilo City.
Ang biktima amo si Mark Henry Alpasan, 29, isa ka tricycle driver, residente sang Barangay Concepcion, Iloilo City Proper kag una na gin-report nga missing sang Nobyembre 24.
Sa exclusive interview sang Bombo Radyo kay Police Major Edfel Balibadlan, hepe sang La Paz Police Station, iya ginpahayag nga base sa imbestigasyon, ulihi nga gindul-ong ni Alpasan ang iya nga suki nga ginpahayag isa ka lesbian kag may yara sang live- in partner.
Suno kay Balibadlan, kilala sang biktima ang live- in partner sang lesbian.
Padayon pa nga gina-imbestigahan ang nasambit nga lesbian kun may kaangtanan gid man ini sa natabo nga krimen.
