ILOILO CITY – Padayon pa nga gina-imbestigaran sang La Paz Police Station ang kamatayon sang isa ka lalaki nga nasapwan sa isa ka lodge sa Divinagracia St., La Paz, Iloilo City.
Ang lalaki ang ginapahayag nag-utas sang kaugalingon nga kabuhi bangud nga may nakahigot nga habol sa iya liog.
Sa interview sang Bombo Radyo kay Police Staff Sergeant Theodore Michael Soleño sang La Paz Police Station, iya ginpahayag nga base sa panaysayon sa asawa sang biktima, wala sila sang problema.
Base sa nakita sa kwarto nga ginrentahan sang biktima, may ginbilin ini nga bond paper nga may nakasulat nga “please call my wife” kag mga numero.
Intact man suno sa iya ang kagamitan sang biktima.
Kung madumduman, kahapon sang aga sang nagcheck-in sa lodge ang lalaki kag masobra sa 12 ka oras na sa sulod, apang wala sa gihapon nakagwa.
