Ginkumpirma sang La Paz Police Station Office nga wala sang foul play nga natabo sa kamatayon sang lalaki nga nasapwan patay sa sulod sang iya boarding house kahapon nga adlaw Pebrero 21.
Ginkilala ang napatay kay Melvin Taboon, ginabulubanta naga-edad sang 50-anyos, kag residente sang Negros Occidental.
Sa interview sang Bombo Radyo kay Police Captain Gimel Acuesta, Officer-in-Charge sang Iloilo Police Station 2, iya gipahayag nga wala sang mga lagob ukon inagyan sang bisan ano nga natabo nga komosyon antes mapatay ang biktima.
Suno pa kay Acuesta, wala man sila sang nakit-an nga bisan ano nga pilas sa biktima magluwas lamang nga sa state of the decomposition na ang lawas sini.
Sa karon yara ang bangkay sang biktima ang sa isa ka punerarya sa Distrito La Paz.
Ila man ginahulat ang pamilya sini nga nagpadulong na kahapon nga adlaw diri sa Iloilo kun magapatigayon ang mga ini sang autopsy.
