Naubos-sunog ang 10 ka Olympic medals sang American swimmer nga si Gary Hall Jr. bangud sa lapnagon nga wildfires sa Los Angeles County sa California.
Sang nagalamon na ang kalayo, nakasarang nga nakapalagyo ang three-time Olympian kaupod sa iya ido nga si Puddles.
“I was getting pelted by embers on that first run,” pahayag sini. “So I grabbed my dog and some dog food, and that was it.”
Isa man ka diabetic patient si Hall Jr. nga na-diagnose nga may Type 1 sang amo nga balatian sang 1999.
Bangud sini, lakip sa iya ginhingagaw-dala amo ang insulin, ang painting sang iya Lolo, kag ang isa ka religious artifact.
Ginplano pa sini nga dalaganon pabalik ang iya mga Olympic medal apang nawad-an na ini sang tiyempo bangud sa madasig nga paglapta sang kalayo.
“People were just running in every direction and the traffic got so congested that there was nowhere to go,” dugang sini. “Parents were so desperate to get their kids out of school, they were like driving up on the sidewalks, plowing into other cars. It was dangerous – forget the fire, people are gonna die in the stampede.”
Lakip sa nadula sa iya amo ang duha ka silver nga mga medalya kag isa ka bronze nga nadag-an sang 1968, 1972 kag 1976 Olympics.
Nakalangoy siya para sa Team USA sang 1996, 2000 kag 2004 Olympics kun sa diin kabug-usan nga five golds, three silvers kag two bronze ang iya nadag-an sa Olympiada.
Nahibaluan nga ang malapit na sa 31,000 acres ukon yara sa 12,500 ka ektarya ang nalamon sang Palisades fire. Mabudlay ang pagpalong sang kalayo bangud sa mabaskog nga hangin.
Yara na sa 10 ang patay sa sunog malapit na sa 10,000 ka mga estruktura ang nagkalahalitan suno sa otoridad apang ginalantaw nga mas madugangan pa ini nga numero.#
Photo: TMZ Sports
