ILOILO —Nangin madinalag-on ang labing-una nga Alternative Learning System – Senior High School Program sang Department of Education – Schools Division of Iloilo Province.
Sa interview sang Bombo Radyo kay Michael Tamallana, Coodinator sang ALS- Senior High School, iya ginpahayag nga kapin 432 ka mga learners sang programa ang madinalag-on nga nakagradwar subong nga school year 2023-2024.
Suno kay Tamallana, ini ang pilot implementation sang programa nga ginlakipan sang katorse ka mga buluthuan sang:
Alimodian National Comprehensive High School
Anilao National High School
Dingle National High School
Estancia National High School
Iloilo National High School
Igbaras National High School
Janiuay National Comprehensive High School
Leonora S. Salapantan National High School
Oton National High School
Pavia National High School
Pototan National High School
Sara National High School
Tubungan National High School.
Ginpahayag man ni Tamallana nga tuyo sang programa nga mahatagan sang oportunidad ang mga indibidwal nga nag-untat eskwela bangud sa mga sirkumstansya sang pangabuhi.
Nahibaluan nga ang programa ang isa ka blended learning nga makahatag man kahigayunan sa mga ALS learners nga makatrabaho samtang naga-eskwela.
