ILOILO CITY – Indi pa matumod ni Punong Barangay Erico Hortillosa kun sa diin na assign nga jail facility sang Bureau of Jail Management and Penology ang labing una nga COVID-19 case sa Mansaya, Lapuz, Iloilo City.
Sa interview sang Bombo Radyo kay Hortillosa, iya ginpahayag nga ang nasambit nga COVID-19 positive ang nagbata sa St. Paul’s Hospital of Iloilo.
Suno kay Hortillosa, antes na-admit sa hospital, ginpaidalom sa COVID-19 test ang pasyente kag liwat naman nga ginpaidalom sa COVID-19 test antes ang pagguwa sa hospital.
Ginpahayag ni Hortillosa nga wala pa sang tul-id nga paathag kun paano nalatnan sang virus ang bag-o lang nagbata nga pasyente.
Sa subong, ginpaidalom sa home quarantine ang bug-os nga pamilya samtang gin-lockdown naman ang balay sang COVID-19 positive.
