Ginbuksan sang Department of Agriculture kag sang Philippine Carabao Center ang labing una nga laboratory sa bilog nga kalibutan para sa sex-sorting buffalo semen sa Science City of Muñoz, Nueva Ecija.
Ini nga pasilidad amo ang nagagamit sang teknolohiya agud magseparar sang sperm sang Karabaw nga may female kag male chromosomes nga may 90% accuracy.
Suno kay Department of Agriculture Secretary Francisco Tiu Laurel Jr., dako ang mangin bulig sang pasilidad agud padamuon ang numero sang karabaw sa pungsod.
Tinutuyo sang sini nga pasilidad nga mabuligan ang mga mangunguma nga magpili sang ila sagudon nga karabaw ilabi na kun milk production ukon farm work ang ila luyag piliun.
Nahibaluan nga magasugod na sa pag-operate ang nasambit nga facility sa fourth quarter sang 2026.
