ILOILO CITY – Nagasinggitan ang mga labor union sa gobyerno sang ayuda para sa mga mamumugon kag mangunguma nga tuman ka apektado sa nagalala nga inflation sa Pilipinas.
Ini kadungan sang ginpatigayon nga hublag protesta sang nasambit nga grupo kadungan sang selebrasyon sang Labor Day.
Sa interview sang Bombo Radyo kay Joel Gepaya, spokesperson sang Bukluran ng Progresibong Mambubukid ng Pilipinas, iya ginpahayag nga nagapamalabag ini sa desisyon sang gobyerno nga mag-import sang pagkaon sa diin masami nga nagakapiyerde ang mga ini.
Suno kay Gepaya, nagakadapat nga hatagan sang atensyon ang mga mamumugon kag mangunguma nga nagagastos sang dako para sa produksyon kun sa diin ginabayluhan ang mga ini sang barato nga bayad.
Ginpahayag dugang sang natungdan nga nagakadapat nga hatagan ang mga trabahante sang nagakaigo nga bayad.
