MANDURRIAO, ILOILO CITY – Patay ang isa ka laborer matapos ginlabo sa Brgy. Bakhaw, Mandurriao, Iloilo City.
Ang biktima amo si Alyas Ricky.
Ang suspek naman amo si Raffy Claudio Clemente, 26, residente sang Brgy. Damires, Janiuay, Iloilo.
Sa interview sang Bombo Radyo kay Police Major Rey Sumagaysay, hepe sang Mandurriao Municipal Police Station, iya ginpahayag nga may nabatian nga gainaway sa sulod sang kwarto, sa ground floor sa boarding house ang ginapanag-iyahan ni Jero Hibiona Jr.
Sang ila gin-usisa ang hulot, nakit-an nalang ang suspek nga puno sang dugo ang iya bayo.
Nasapwan naman ang biktima nga nagahamyangon sa salog nga puno sang labo.
Halos mabulag naman ang nawala kag tuo nga kamot sang biktima bangud sa pagkalabo.
Nakit-an naman sa crime scene ang butcher knife nga puno sang dugo nga amo ang gingamit sa krimen.
Gilayon naman nga gin-aresto ang suspek kag preso na sa Mandurriao Police Station.
