May posibilidad nga magapangatubang sang kaso nga subornation of perjury sanday Sen. Rodante Marcoleta kag former Rep. Mike Defensor.
Ini ang ginsaysay ni Senator Panfilo “Ping” Lacson may kaangtanan sa ginapahayag “coached” testimony sang anay soldado nga si Orly Guteza sa Senado batok sa alegasyon sa pila ka mga opisyal sang gobyerno nga nakabatun ang mga ini sang minaleta nga kwarta.
Suno sa senador, nagaguwa sa hearing sang Senate Blue Ribbon Committee nga gintudluan ni Marcoleta si Guteza kun ano ang dapat sini nga isapubliko.
Kasunod ini sang pagbawi ni Guteza sang iya testimonya batok kay former House Speaker Martin Romualdez matapos nga nag-ako nga ginpatestigo sya ni Marcoleta kag Defensor sa baylo sang kwarta kag scholarship para sa iya kabataan.
Nahibaluan nga una na nga ginpakighan ni Lacson nga magaduso sya sang hagna nga magapabug-at sang penalidad batok sa mga indibdiwal nga yara sa likod sang pagpamilit sa iban nga tawo nga mag-ubra sang krimen kaangay sang perjury.
